2018 වසරට දස වසරක් සැපිරූ වෘත්තීය තාක්ෂණ විශ්වවිද්‍යාලය

ශිල්ප සිල දල්වා ඝනදුර දුරලා දැනුමෙන්, තාක්ෂණ ශිල්පයෙන් හා මානව දයාවෙන් පිරි විද්‍යාර්තයින්ගේ ාඅලෝකය ලොවට දායාද කල සරසවි මෑණියන්ගේ දසවස් පූර්ණය 2018 නොවැම්බර් 20 වන දිනට යෙදී තිබිණි.. දස වස් සැමරුමට සමගාමීව ශිෂ්‍ය සංගමයේ හා බෞද්ධ සංගමයේ මූලිකත්වයෙන්  විශ්වවිද්‍යාලයීය පරිපාලන අංශය, අද්‍යයන අනද්‍යන අංශ,   හා සියලූම විද්‍යාර්ථයින්ගේ සහභාගිත්වයෙන් යුතුව සර්ව රාත්‍රික පිරිත් සඣ්ඣායනයක් පැවැත්විණි. මේ සදහා ආදි විද්‍යාර්ථයින්ගේ නොමසුරු දායකත්වයද හිමි විය. පිරිත් සඣ්ඣායනයට පසු දින එනම් 2018 නොවැම්බර් 21 වන දින මහා සංඝරත්නය 100 නමක් වඩමවා මහා දානමය පුණ්‍යකර්මය සිදු කිරීම මෙහි විශේෂත්වයකි .

"පරිත්ත" එසේත් නොමැතිනම් "පිරිත"යනු තෙරුවන් කෙරෙහි සත්‍යක් ක්‍රියා කිරීමයි  මෙහිදී පළමුව පිරිත් මණ්ඩපය සකසා ඒ තුලට බුද්ධ, ධම්ම, සංඝ යන තෙරුවන් වැඩම කල යුතුය. සත්‍යගුණ සමුදායක් භක්තියෙන් , අධිශ්ඨානපූර්වකව සිහිපත් කිරීමෙන් ලබා ගන්නා වූ ඉමහත් ආශිර්වාදය ලබා ගැනීමට විශ්වවිද්‍යාලීය ප්‍රජාවට මෙමගින් අවස්තාව උදාවිය.

පිරිත් මණ්ඩපය ස්වාභාවික ද්‍රව්‍ය උපයෝගී කර ගනිමින් නිර්මාණාත්මකව සකසා තිබීම විද්‍යාර්යින්ගේ හැකියාව මනාව කියාපාන්නකි.දස වසරක අභිමානය වෙනුවෙන් යෙදී තිබූ මහා සාංගික දානමය පුණ්‍ය කර්මය උත්කර්ශවත් ලෙස 2018. නොවැම්බර් 21 වන දින ඉතා සාර්ථක ලෙස සිදු විය

දනට වඩිනා සියයක් පමන වූ මහා සංඝරත්නය ප්‍රමුඛ කරඩු වහන්සේ දාන ශාලාවට සංසුන් ගමනින් වැඩම  වූයේ අති විශාල සාදුකාර මද්‍යයෙනි. එය දකින්නවුන්ගේ සිත් පුණ්‍ය සිතුවලින් නැහැවී ගිය චමත්කාර අවස්තාවක් වූ බව ඔවුන්ගේ මුහුනේ වූ ඉරියව් මොනවට කියාපාන්නක් විය... දානමය පුණ්‍ය කර්මයෙන් අනතුරුව දහම් බිදක් ශ්‍රවනයට අවස්තාව උදාවිය .

මෙලෙස ඉතා අගනා දිනයන් දෙකක සාක්ශිකාරයන් වීමටත් දස වසරක අභිමානය සමගින් සරසවිය මෑනියන් තුල රැදෙන්නටත් අපට අවස්තාවක් හිමි විය...

සටහන✍️-තිළින සුද​ර්ෂන​

වෘත්තීය තාක්ෂණ විශ්වවිද්‍යාලය ආරම්භකොට දස වසරක් සපිරීම නිමිත්තෙන් සිසුන්ගේ මූලිකත්වයෙන් සරසවියේ සියලු පාර්ශවයන්ගේ...
Posted by University of Vocational Technology on Monday, 19 November 2018